****** गीता मंथन स्पर्धा

 गीता मंथन स्पर्धा 

अगोदर काही नमूना प्रश्न व नंतर त्याखाली  स्पर्धेची माहिती दिलेली आहे

नमूना प्रश्न -- इथे वाचून पुढे ही दुसरी लिंक पहावी -- तिथे वचन, लिंग,इ. प्रश्न ठेवलेत.
https://bhagvadgeeta-recital.blogspot.com/2018/03/blog-post_39.html

संकल्पना  --
भांडारकर प्राच्य विद्या शोध संस्थेचा १०० वर्षांचा कालावधि लौकरच पूर्ण होत आहे. या काळात निरनिराळे प्रथितयश अभ्यासक व संशोधक संस्थेसोबत जोडले गेले. महाभारत हा संस्थेच्या चिकित्सक अभ्यासाचा महत्वाचा ग्रंथ. त्यातील गीता हा नित्यपाठाचा व नित्य चिंतनाचा विषय. सबब गीता-मंथन-स्पर्धेच्या माध्यमातून लोकांना गीता-चिंतनाकडे वळवावे, ही संकल्पना. 

या उपक्रमासाठी भांडारकर संस्थेच्या सोबत कौशलम् न्यास, भारत विकास परिषद, व संस्कृत भारती या संस्था असतील. 

कौशलम् न्यास संस्कृतच्या प्रसारासाठी कार्यरत असून देशभरातील संस्कृत विद्वानांसोबत व संस्थांसोबत कार्यक्रम घेणे हे न्यासाच्या कार्यप्रणालीचे एक वैशिष्ट्य आहे. या प्रकाराने वर्ष २०१४ मधे  कौशलम् न्यास, संस्कृत भारती गोवा व पणजी दूरदर्शन केंद्राने एकत्रित काम करून १२ भागांची एक मालिका संस्कृत तुमची आमची ही वर्षभर चालवली. त्यातील काही भाग यू-ट्यूबवर याच नावाने पहायला मिळतात. संस्कृत भारतीतर्फे संस्कृत संभाषणासाठी प्रोत्साहन दिले जाते व संभाषण वर्ग घेतले जातात. भाविपमार्फत राष्ट्रीय एकत्मतेसाठी शालेय विद्यार्थ्यांचे विविध कार्यक्रम घेतले जातात. गीता मंथन स्पर्धेसाठी शालेय विद्यांर्थ्यांना भाविपतर्फें प्रोत्साहित केले जाईल. 

अशा प्रकारे उद्दिष्टांचे साम्य असल्याने या संस्था एकत्रपणे गीत-मंथन-स्पर्धेचा उपक्रम राबविणार आहेत. 

-------------------------------------------------------------------

Methodology

Distribution of marks for the Spardha

Registration form 

Sample questions

स्पर्धा

Contact email--  leena.mehendale@gmail.com 9422055740

स्पर्धा सर्वांसाठी खुली

एक तरी अध्याय पाठ यावा व गीतेबद्दल सामान्य ज्ञान तसेच संस्कृतचे थोडे ज्ञान असावे. 

शालेय विद्यार्थ्यांनी मोठ्या प्रमाणांत भाग घ्यावा यासाठी मुख्याध्यापकांनी विशेष प्रयत्न करावे.

गीता - मंथन - प्रतियोगिता या माध्यमातून नवीन पिढीवर योग्य संस्कार घडावेत. मोठ्यांनी भाग घेतला तरी ते लोण पुढील पिढीला जाईल हा आशावाद सोबत आहेच.

प्रश्नांचे स्वरूप व गुणांची विभागणी

स्रपर्धेसाठी वयाची अट किंवा कोणतेही शुल्क नाही. पुण्यातील कोणीही नागरिक भाग घेऊ शकतील. मात्र संस्कृत शिक्षकांना सोपी पातळी निवडता येणार नाही.

उद्देश -- एक तरी अध्याय पाठ यावा व गीतेबद्दल सामान्य ज्ञान असावे.

स्पर्धेतील प्रश्नाचे स्वरूप व गुणांची विभागणी ढोबळमानाने खालीलप्रमाणे --

सोपी स्पर्धा व कठिण स्पर्धा अशा दोन पातळींवर स्पर्धा असेल. आपापला अध्याय गटांनी स्वतःच ठरवायचा आहे 

पाठांतरआधारित प्रश्न त्यावर विचारण्यात येतील. इतर प्रश्न संपूर्ण गीतेतून निवडले जातील

सोपी स्पर्धा (एकूण १०० गुण कल्पून त्यांची विभागणी)

गटाने निवडलेल्या अध्यायातील श्लोकांचे पाठांतर -- ३० गुण

गीतेतील विविध शब्दांचे अर्थ -- १५ गुण

शब्दांचे सोपे व्याकरण जसे विभक्ति, वचन, लिंग, संधी, समास १५

क्रियापदांचे सोपे व्याकरण जसे काळ, लकार, वचन १५

काही खास शब्दांमागील कथानक, प्रसंग यावरील प्रश्न २५

कठिण पातळी

गटाने निवडलेल्या अध्यायातील श्लोकांचे पाठांतर – २५

गीतेतील विविध शब्दांचे अर्थ – २०

शब्दांचे व सोपे क्रियापदांचे व्याकरण -- विभक्ति, वचन, लिंग, संधी, समास, काळ, लकार -- २०

गीतेतील विविध श्लोकांमधील संकल्पनांचा अर्थ, श्लोकार्थांची तुलना, तत्वज्ञान- ३५

आयोजन -- पहिली फेरी दि ५ जून २०१८ रोजी आहे.

१) ही प्रतियोगिता भांडारकर संस्थेतील टाटा हॉलमधे भरेल. वेळ -- सायंकाळी ३.३० ते ५.३० पैकी प्रत्यक्ष स्पर्धेची वेळ ४ ते ५. 

२) यासाठी स्पर्धकांनी  स्वतःच ४-४ चे गट करून फॉर्म भरावेत. विद्यार्थी, वरिष्ठ नागरिक असे कोणीही सहभागी होऊ शकतात.

३) दर पाच फॉर्म गोळा झाल्यावर त्यांच्यासाठी  स्पर्धा अशा प्रकारे  क्रमाक्रमाने स्पर्धेच्या फेऱ्या होतील. 

४) प्रत्येक गटाला सुमारे १२ ते १५ प्रश्न विचारले जातील. जास्त व समर्पक उत्तरे देणारा गट विजयी ठरेल. त्यानुरूप बक्षिसे दिली जातील. इतर नियम स्पर्धेवेळी जाहीर होतील.

५)प्रत्येक गटाने त्यांच्या तयारीचा किमान एक अध्याय फॉर्ममधे भरावा. पाठांतराचे प्रश्न त्या अध्यायावरच असतील. गटातील कोणत्याही स्पर्धकाने उत्तर देऊन चालेल. मात्र जेवढे अधिक स्पर्धक उत्तर देऊ शकतील तेवढी अधिक तयारी समजण्यांत येईल व क्रेडिट दिले जाईल.

६) २ परीक्षकांचे मंडळ असून त्यांचा निर्णय अंतिम व सर्वांना बंधनकारक असेल.

७) अँकरची प्रश्नमालिका संपल्यावर प्रेक्षकांमधून वेगळे प्रश्न विचारले जाऊ शकतात व त्यांच्या सुयोग्य उत्तरांना वेगळे क्रेडिट असेल.

गीता मंथन स्पर्धेचा अर्ज नमुना

तुमची सोपी अथवा कठिण पातळी आहे ते ठरवा.

तुमच्या गटाचा अध्याय ठरवा

१) तुमच्या गटासाठी एक नांव निवडा

२) गटाचे नांव, पातळी व अध्याय ठरवा.

३) गटातील चारही सदस्यांची नांवे व फोन नं, ईमेल (असल्यास ते ही द्यावे) 

४) शाळेमार्फत गटनोंदणी असल्यास शाळेचे नांव, मुख्याध्यापकांचे नांव, फोन व ईमेल.

५) 

* गट प्रमुख-

* गट सदस्य-

* गट सदस्य-

* गट सदस्य-

६) गटासाठी मार्गदर्शक असल्यास

नांव

फोन

ईमेल

५) पत्रव्यवहारासाठी-

* गट प्रमुखाचा पत्ता

* मार्गदर्शकाचा पत्ता

* शाळेचा पत्ता

६) स्पर्धकांची तयारीची योग्यता

* सोपी

* कठिण

--------------------------------------------------------

या स्पर्धेसाठी सुमारे १०० नमूना प्रश्न निवडले असून त्यांची माहिती सर्व स्पर्धकांना दिली आहे.